Os aniversarios de marzo

 Asier, Carla, Korina e Mateo cumpriron 6 anos no mes de marzo, e festexámolo no cole.

Fixeron cadansúa coroa, sopraron as candeas e convidáronnos a merendar.

Parabéns parruliños e parruliñas!! 😄😄

Na busca dos ovos!

 Para poñer fin ao segundo trimestre, os parruliños e as parruliñas tiñamos unha misión moi importante: atopar os ovos de chocolate!!

Para iso, tiñamos que seguir unhas pistas e superar uns retos. A primeira pista atopámola no corredor da nosa planta, onde tiñamos unha decoración chulísima con moitos debuxos de ovos. Alí atopamos un sobre cun reto, e así sucesivamente. Como o fixemos en equipo, resultounos bastante fácil atopalos. 

Deixámosvos unhas fotos para que vexades o divertido que foi!!

A busca dos ovos

                                                              BOAS VACACIÓNS!!!😍😍

A maxia enche o Salón do Libro

 Por fin chegou o agardado día!!!Que ganas tiñamos de visitar o Salón do Libro !

Cando chegamos, estábanos esperando Orbil e puidemos darlle unhas apertas moi agarimosas. De seguido, Raquel, que era a nosa monitora, levounos á Cova dos libros fantásticos onde puidemos disfrutar coas historias de Sonsoles, a súa música, e uns xogos moi divertidos. 

Máis tarde, fixemos un percorrido polo Salón, que este ano está cheo de personaxes mitolóxicos e lexendarios. Tamén puidemos ver os traballos que fixeron os colexios que participaron nesta edición. O que máis nos gustou foi o noso caldeiro máxico no que participamos todos os nenos e nenas do cole! 😍

Foi unha mañá moi divertida! Aquí vos deixamos fotos e videos da visita. 

Salón do libro

Día Internacional da Muller Traballadora

 Durante esta semana, os parruliños e as parruliñas fixemos diversas actividades para conmemorar o 8 de marzo. Falamos e reflexionamos sobre a importancia de vivir en igualdade e de respectarnos. 

Ao longo da semana viñeron ao cole distintas mulleres que nos deron unhas charlas sobre as súas profesións. Para nós había programada unha charla de dúas árbitras de fútbol.

Tamén estivemos a facer un mural  das mulleres marabillosas da nosa vida e que puxemos no corredor da planta de infantil.

No taller de igualdade fixemos unhas tarxetas coa profe Lupe para conmemorar esta data.

Fotos 8 de marzo

Aniversario de Daniel

 Neste segundo mes do ano, tivemos de aniversario a Daniel, que xa ten 6 anos!

Para celebralo, decorou a súa coroa, e despois de cantarlle os 'Parabéns', soprou as candeas. Trouxonos unha tarta que fixoa súa nai e estaba boísima!! Despois estivemos movendo o esqueleto e pasámolo xenial!! 😋😋

Parabéns Daniel!!

Un paseo polo entroido

 Despois dunha semana onde viñemos ao cole pintados cada día de personaxes diferentes seguindo o mandadiño, o pasado venres chegou o gran día do entroido!

O tema era a maxia, e os nenos e nenas de infantil disfrazámonos de Merlín. Deixámosvos unhas fotiños para que vexades o ben que o pasamos neste entroido.

entroido 2024

Día Escolar da Non Violencia e a Paz

 Onde celebramos o Día Escola da Non Violencia e a Paz. Os parruliños e parruliñas estivemos traballando sobre o que é a paz para todos nós. A parte de facer un mural para o corredor, pintando as nosas máns e plasmándoas en forma de corazón, tamén  fixemos un mandala da paz, que nos quedou moi chulo e levámolo colgado no pescozo.  

Saímos có resto do cole ao patio para escoitar os manifestos dos maiores e para cantar todos xuntos e xuntas a canción de Pablo Díaz, Día da Paz. 

Deixámosvos un video e unhas fotos das actividades.

Día da Paz