Sorpresa, sorpresa!!

Como remate do trimestre, Patopico deixóunos unha carta onde nos propoñía un xogo...

Para conseguir unha sorpresa, tiñamos que ir superando distintos retos e descubrir as pistas que nos levarían ao noso premio.

Despois de tanto esforzo conseguimos unha cesta chea de ovos de chocolate!!!

 

Retos ovos de Pascua

Parabéns Dani !!!

 Hoxe festexamos o aniversario de Daniel no cole. 

Fixemos unha coroa chulísima, cantamos, bailamos, e Dani soprou as súas 5 candeas.

Despois comemos a tarta de chocolate que estaba boísima!

O día de Rosalía

 Hoxe celebramos no cole o aniversario de Rosalía de Castro. 

Rosalía escribiu moitos poemas, pero nos escollemos os primeiros versos de Eu ben vin estar ó moucho do seu libro Cantares Gallegos. Cantámolo, recitámolo e fixemos unha careta de moucho ben chula!

Actividades Rosalía

O Entroido dos xogos

Durante esta semana puidemos disfrutar cumprindo o mandadiño e puidemos vir con diferentes complementos. O xoves, os parruliños e as parruliñas, puideron vir co seu disfrace favorito ao cole. 

Hoxe, despois de encher as nosas barriguiñas co chocolate que nos prepararon algunhas familias encargadas, puxemos o noso disfrace de xadrez e saímos á Praza de Barcelos .Os nenos e nenas de infantil desfilamos coa nosa pancarta e despois disfrutamos  cos bailes dos maiores.

Moitas grazas ás familias por acompañarnos e pola vosa colaboración!!!!!

FELIZ  ENTROIDO!!!!!😍😍

Fotos do entroido

Construindo a Paz

 Hoxe comezamos unha nova semana na que todo o colexio celebramos o Día Escolar da Non Violencia e a Paz. 

Durante toda a semana pasada, os nenos e nenas de infantil, estivemos a decorar uns ladrillos con debuxos e palabras bonitas para facer un mural da Paz. 

Por outra parte, hoxe, os nenos e nenas de primaria leron poesías e manifestos sobre o tema. Despois todos/as xuntos, cantamos e bailamos a canción de Paco Nogueiras móvete.

Disfrutámolo moitísimo!

Fotos da Paz

Aniversarios xaneiro

 Con este novo ano, os parruliños e parruliñas xa cumplen 5 anos, e os primeiros son Ehyver e Covagonda!! 

Festexámolo cunha super festa! Sopraron as 5 candeas despois de que lles cantaramos os parabéns!!

Merendamos unha tarta que estaba boísima e cantamos e bailamos un montón. 

Parabéns Ehyver e Covadonga!!

O Nadal xa está aquí !!

Despois de tanto traballar chegan as merecidas vacacións do Nadal !

Onte tivemos unha mañá moi divertida, pois despedimos o trimestre cunha festa preparada polas familias dos nenos e nenas do cole. 

Primeiro fomos a unha sesión de maquillaxe e logo sorprendéronnos cunha merenda moi especial con rosca e chocolate. 

Coa barriguiña ben chea, xuntámonos no patio todos os nenos e nenas do cole, para celebrar as badaladas con 'gusanitos' e baile. A ver cando nos recuperamos de tanto movemento ! 😆

Para rematar, invitamos ás familias dos parruliños e parruliñas a unha actuación onde cantamos e bailamos a panxoliña Polo Nadal. 

O máis triste foi que tivemos que despedirnos de Duendín, o noso elfo favorito. Agardamos que volva a nosa aula o vindeiro Nadal!

Durante todo o mes de decembro, estivemos a traballar o Nadal: fixemos postais, elaboramos adornos para decorar os corredores e a aula e fixemos unha bolsiña decorada para gardar os nosos traballos do trimestre...

Tamén, saímos do cole para levar as postais a Correos e para levar a carta dos Reis Magos ao buzón real da Ferraría.

Para que poidades ver todas estas actividades, déixovos unhas fotiños.

 

 FOTOS NADAL

Bo Nadal familias, vémonos a volta das vacacións!!

Unha aperta enorme 💘