Despois de tres anos, chegou o momento de despedirnos...
Foros tres anos marabillosos nos que puidemos compartir experiencias inolvidables!
Aprendemos xuntos moitísimas cousas, retos, proxectos...
Moitos deses momentos mostrámolos nesta ventá, compartindo convosco os máis felices.
Seguro que a adaptación dos parruliños e parruliñas á nova etapa educativa vai ser xenial e disfrutarana como o fixeron en infantil!
Deséxovos unhas boas vacacións que as tedes ben merecidas!!
Hoxe puidemos disfrutar dunha saida ao Museo de Pontevedra. Alí, contáronnos como era a vida hai miles de anos e tamén nos ensinaron materiais arqueolóxicos desa época.
Despois decoramos un colgante de arxila . Foi unha mañá moi divertida!!
Por fin chegou o día tan esperado!!
A visita a Apípolis... foi un día inesquecible, no que os nenos e as nenas fixeron un montón de actividades: vestíronse de apicultores e apicultoras para ir ó apiario, sacaron mel dos panais e envasárona en tarriños, fixeron unha vela, galletas de mel, xogaron, comeron xuntos e xuntas... non pararon nin un minuto!
Tampouco nos imos esquecer da viaxe en autobus que lles fixo moita ilusión.
Foi unha saida marabillosa!
Kiara cumpriu 6 anos no mes de maio e festexámolo no cole.
Despois de decorar a súa coroa, soprou as candeas e repartíu a tata de amorodos a todos os parruliños e parruliñas.
Como remate, bailamos todas e todos xuntos/as!! 💚
Hoxe, os parruliños e as parruliñas puidemos disfrutar dunha nova experiencia coa nosa participación no Correlingua 2024.
Despois dun percorrido polas rúas de Pontevedra e baixo o lema Dende aquí até acolá, galego xa!
volvemos á Alameda para merendar e despois disfrutar da actuación da banda A Gramola Gominola.
Pasámolo xenial!! 😍
No mes de abril estiveron de aniversario Eros e Priyanka, que cumpliron 6 anos.
Despois de decorar as súas coroas e soprar as candeas, convidáronnos a un biscoito.
Rematamos a festa cantando e bailando.
Parabéns parruliños!!
Hoxe fixemos unha saída ao Café Moderno!
Cando chegamos, estábannos esperando Raquel e Carmen, que foron as encargadas de explicarnos as diferentes actividades.
Primeiro, fixemos un obradoiro no que tiñamos que construir un robot-pintor e, despois fomos á sala de exposicións . Carmen, leunos unhas poesías e tiñamos que buscar os cadros aos que se referían.
Foi unha mañá moi divertida!
Onte, 23 de Abril, conmemoramos o Día do Libro. O que máis nos gustou foi o apadriñamento lector cos nenos e nenas de 6º E.P. que elexiron uns contos moi chulos para contarnos.
Asier, Carla, Korina e Mateo cumpriron 6 anos no mes de marzo, e festexámolo no cole.
Fixeron cadansúa coroa, sopraron as candeas e convidáronnos a merendar.
Para poñer fin ao segundo trimestre, os parruliños e as parruliñas tiñamos unha misión moi importante: atopar os ovos de chocolate!!
Para iso, tiñamos que seguir unhas pistas e superar uns retos. A primeira pista atopámola no corredor da nosa planta, onde tiñamos unha decoración chulísima con moitos debuxos de ovos. Alí atopamos un sobre cun reto, e así sucesivamente. Como o fixemos en equipo, resultounos bastante fácil atopalos.
Deixámosvos unhas fotos para que vexades o divertido que foi!!
BOAS VACACIÓNS!!!😍😍
Por fin chegou o agardado día!!!Que ganas tiñamos de visitar o Salón do Libro !
Cando chegamos, estábanos esperando Orbil e puidemos darlle unhas apertas moi agarimosas. De seguido, Raquel, que era a nosa monitora, levounos á Cova dos libros fantásticos onde puidemos disfrutar coas historias de Sonsoles, a súa música, e uns xogos moi divertidos.
Máis tarde, fixemos un percorrido polo Salón, que este ano está cheo de personaxes mitolóxicos e lexendarios. Tamén puidemos ver os traballos que fixeron os colexios que participaron nesta edición. O que máis nos gustou foi o noso caldeiro máxico no que participamos todos os nenos e nenas do cole! 😍
Foi unha mañá moi divertida! Aquí vos deixamos fotos e videos da visita.
Durante esta semana, os parruliños e as parruliñas fixemos diversas actividades para conmemorar o 8 de marzo. Falamos e reflexionamos sobre a importancia de vivir en igualdade e de respectarnos.
Ao longo da semana viñeron ao cole distintas mulleres que nos deron unhas charlas sobre as súas profesións. Para nós había programada unha charla de dúas árbitras de fútbol.
Tamén estivemos a facer un mural das mulleres marabillosas da nosa vida e que puxemos no corredor da planta de infantil.
Neste segundo mes do ano, tivemos de aniversario a Daniel, que xa ten 6 anos!
Para celebralo, decorou a súa coroa, e despois de cantarlle os 'Parabéns', soprou as candeas. Trouxonos unha tarta que fixoa súa nai e estaba boísima!! Despois estivemos movendo o esqueleto e pasámolo xenial!! 😋😋
Despois dunha semana onde viñemos ao cole pintados cada día de personaxes diferentes seguindo o mandadiño, o pasado venres chegou o gran día do entroido!
O tema era a maxia, e os nenos e nenas de infantil disfrazámonos de Merlín. Deixámosvos unhas fotiños para que vexades o ben que o pasamos neste entroido.
Onde celebramos o Día Escola da Non Violencia e a Paz. Os parruliños e parruliñas estivemos traballando sobre o que é a paz para todos nós. A parte de facer un mural para o corredor, pintando as nosas máns e plasmándoas en forma de corazón, tamén fixemos un mandala da paz, que nos quedou moi chulo e levámolo colgado no pescozo.
Saímos có resto do cole ao patio para escoitar os manifestos dos maiores e para cantar todos xuntos e xuntas a canción de Pablo Díaz, Día da Paz.
Deixámosvos un video e unhas fotos das actividades.
Os parruliños fanse maiores e xa empezan a cumprir 6 anos!!!!
Hoxe festexamos os aniversarios de Ehyver e Covadonga no cole. Despois de decorar as súas coroas, cantámoslle os Parabéns para ti, sopraron a candea do número 6 e comemos a tarta que trouxeron!
Estaba requeteboa!! 😜😜
PARABÉNS PARRULIÑOS!!!
O mércores tivemos, na biblioteca do cole, unha sesión de animación con Polo correo do vento.
Puidemos participar cantando, debuxando e escoitando relatos sobre o coidado do medio ambiente.
Neste mes de decembro, estivemos a facer distintas actividades sobre o Nadal.
Os parruliños e as parruliñas puidemos disfrutar das trasnadas do noso elfo favorito, da elaboración de adornos para a aula e para levar á casa, das panxoliñas, da saída pola cidade...
No último día de cole, participamos nun obradorio de maquillaxe e enchemos os bandullos coa riquísima rosca con chocolate. Tamén disfrutamos cos compañeiros, compañeiras e profes, das campanadas diante do cole! E... para rematar, interpretamos panxoliñas todos os nenos/as de infantil, e tamén os nenos/as de 1º de primaria!
Moitas grazas ás familias por vir a vernos!!
Voltamos ao cole o luns, 8 de xaneiro!!
BOAS FESTAS!!!💓💓💓
O pasado venres celebramos o aniversario de Olivia, que, como o resto dos parruliños e parruliñas, xa ten 5 anos!
Despois de adornar a súa coroa, Olivia soprou as candeas do seu quinto aniversario. Grazas pola tarta tan rica que nos trouxeches! 😉😉
Despois de tres anos, chegou o momento de despedirnos... Foros tres anos marabillosos nos que puidemos compartir experiencias inolvidables!...
